Борышкерлерге
Берешекті реттеу
Егер берешекті өтеуде қиындықтар туындаса, сіз оны өтеу шарттарын өзгерту туралы өтінішпен бізге жүгінуге құқылысыз.
Өтінішті қалай беруге болады
- 01
Өтінішті дайындаңыз
Өтініште мыналарды көрсетіңіз:
- тегі, аты, әкесінің аты, ЖСН, байланыс телефоны;
- банктік қарыз шартының немесе микрокредит беру туралы шарттың нөмірі;
- міндеттемені орындамау себептері (табыстың төмендеуі, жұмыстан айырылу, ауру, өзге мән-жайлар);
- берешекті өтеу шарттарын өзгертудің өзіңіз ұсынатын нұсқасы.
- 02
Растайтын құжаттарды қоса беріңіз
Тізбе сіздің жағдайыңызға байланысты — төмендегі «Санаттар және құжаттар» бөлімін қараңыз.
- 03
Өтінішті мына тәсілдердің біреуімен жіберіңіз
Өзіңіз келіп немесе пошта арқылы
B66M9P5, Қазақстан Республикасы, Алматы облысы, Талғар ауданы, Бесағаш ауылы, Райымбек Батыр көшесі, 165 ғимарат
Пошта жөнелтілімін қосымша тізімдемесімен және хабарламасымен ресімдеуді ұсынамыз — сонда сізде өтініш берілген күнді растайтын дәлел қалады.
- 04
Жауап алыңыз
Өтініш міндетті түрде қабылданады, тіркеледі, есепке алынады және қарастырылады. Өтініш пен құжаттар алынған күннен кейінгі 15 (он бес) күнтізбелік күн ішінде біз сізге шешімдердің біреуін жазбаша түрде немесе сіз көрсеткен байланыс арналары арқылы хабарлаймыз:
- сіз ұсынған өтеу шарттарының өзгерістерімен келісу туралы;
- өтеу шарттарын өзгерту бойынша қарсы ұсыныстар туралы;
- шарттарды өзгертуден бас тарту туралы — себептерін дәлелді негіздеп.
Егер мәліметтер немесе құжаттар толық болмаса, біз оларды 10 жұмыс күні ішінде сұратамыз; қарау үшін 15 күндік мерзім олар ұсынылғаннан кейін есептеледі.
Қандай реттеу шаралары мүмкін
Өтінішті қарау нәтижесі бойынша, атап айтқанда, мыналар қолданылуы мүмкін:
- 01негізгі борыш және (немесе) сыйақы бойынша төлемдерді кейінге қалдыру немесе бөліп төлеу;
- 02берешекті өтеу кезектілігін өзгерту, оның ішінде негізгі борышты басым тәртіппен өтеу;
- 03қарыз (микрокредит) мерзімін өзгерту;
- 04тұрақсыздық айыбын (айыппұлды, өсімпұлды) азайту немесе толық жою;
- 05комиссияларды және өзге де төлемдерді азайту немесе толық жою;
- 06негізгі борыш және (немесе) сыйақы бойынша берешекті толық немесе ішінара кешіру;
- 07борышкердің кепілге қойылған мүлікті келісілген мерзімде өз бетінше сатуы;
- 08міндеттемені орындаудың орнына бас тарту төлемін беру.
Шешім жеке-жеке қабылданады — борышкер санатына және міндеттемені орындамауға әкелген мән-жайларға қарай, агенттіктің ішкі қағидаларына сәйкес.
Жақсартылған шарттар
Агенттік міндеттеме шарттарын борышкер үшін жақсарту жағына біржақты тәртіппен өзгертуге де құқылы (мысалы, тұрақсыздық айыбын жою). Бұл жағдайда біз сізге хабарлама жібереміз; келіспеген жағдайда сіз хабарлама алған күннен бастап 14 күнтізбелік күн ішінде өтініш жіберіп, жақсартылған шарттардан бас тартуға құқылысыз.
Борышкерлер санаттары және құжаттар тізбесі
Өтінішке мән-жайларыңызды растайтын құжаттарды қоса беріңіз.
- жұмыссыз ретінде тіркелгені туралы анықтама (Электрондық еңбек биржасы enbek.kz / карьера орталығы);
- бар болса — еңбек шартының тоқтатылғаны туралы мәліметтер.
ҚР заңнамасына сәйкес.
- мәртебені растайтын құжат: мүгедектігі бар адамның куәлігі, мүгедектік туралы анықтама, көпбалалы отбасының құжаттары, атаулы әлеуметтік көмек алу туралы анықтама, зейнеткерлік куәлік және т.б.
- табысы туралы анықтама / БЖЗҚ (enpf.kz) үзінді көшірмесі — соңғы 6 ай үшін;
- бар болса — толық емес жұмыспен қамтуға көшіру, жалақысы сақталмайтын демалыс туралы құжаттар.
- уақытша еңбекке жарамсыздық парағы немесе медициналық құжаттар.
- мерзімді әскери қызмет өткеретінін растайтын құжат.
Мерзімді әскери қызмет кезеңіне және ол біткеннен кейінгі 60 күнтізбелік күнге негізгі борыш пен шешім қабылданған кезге дейін есептелген сыйақы бойынша төлемдерді кейінге қалдыру беріледі. Кейінге қалдыру сіздің өтінішіңізсіз ресімделеді — агенттік кредиттік бюродан әскерге шақыру туралы мәліметтерді алған күннен бастап 15 күнтізбелік күн ішінде; кейінге қалдырудың берілгені туралы сізге хабарланады. Одан бас тарту хабарлама алған күннен бастап 14 күнтізбелік күн ішінде өтініш беру арқылы мүмкін. Қызмет өткеру туралы құжат мәліметтер автоматты түрде түспеген жағдайда қажет.
- міндеттемені орындамауға әкелген мән-жайларды растайтын кез келген құжаттар.
Біз қалай өзара іс-қимыл жасаймыз
ҚР «Коллекторлық қызмет туралы» Заңының 5-бабы
Байланыс тәсілдері
Заң жабық тізбені белгілейді. Өзге өзара іс-қимыл тәсілдері жіберілмейді.
- Телефон арқылы сөйлесуСіз байланыс ретінде көрсеткен нөмірлер бойынша
- Жеке кездесулерУақыты мен орнын алдын ала келісу бойынша
- Жазбаша хабарламаларХат-хабар мекенжайы бойынша пошта байланысымен
- Мәтіндік және дауыстық хабарламаларОның ішінде байланыс желілері арқылы
Байланыс кестесі
Уақыт сіздің тұрғылықты жеріңіз бойынша айқындалады.
Агенттікке не істеуге тыйым салынады
- күш қолдану немесе қолданамын деп қорқыту, мүлікті бүлдіру
- психологиялық қысым көрсету, ар-намыс пен қадір-қасиетті қорлау
- берешектің мөлшері мен сипаты және оны төлемеу салдары туралы жаңылыстыру
- сіздің келісіміңізсіз берешек туралы мәліметтерді үшінші тұлғаларға жария ету
- әрекетке қабілетсіз адамдармен және стационарлық емделуде жүрген адамдармен өзара іс-қимыл жасау
- жұмыстан тыс уақытта қоңырау шалу
Егер бұл қағидалар бұзылса — шағыммен жүгініңіз. Барлық байланыс аудио- және бейнежазбамен тіркеледі.
Сіздің құқықтарыңыз
ҚР «Коллекторлық қызмет туралы» Заңының 16-бабының 1-тармағы
Берешек туралы мәліметтер алу — агенттік және оның орналасқан жері туралы, онда сіздің дербес деректеріңіздің бар-жоғы туралы, берешектің мөлшері мен құрылымы туралы.
Агенттіктің талаптарына толық немесе бір бөлігінде, оның ішінде сот тәртібімен дау айту.
Берешекті реттеу — Заңның 6 және 6-1-баптарының тәртібімен, жүгіну себептерін негіздеп, міндеттемені орындау шарттарын өзгерту туралы өтініш беру.
Өзара іс-қимылды өз бетінше жазып алу — агенттік қызметкерлерімен байланысты аудио- және (немесе) бейнетехника құралдарымен жазу. Агенттік те өзара іс-қимылды Заңға сәйкес тіркейді.
Берешек толық өтелгеннен кейін — берешектің жоқтығы туралы анықтама алу, мемлекеттік кредиттік бюроға және (немесе) кредиторға жүгіну арқылы.
Агенттіктің әрекеттеріне (әрекетсіздігіне) уәкілетті органға шағыммен жүгіну — «Шағыммен қайда жүгінуге болады» бөлімін қараңыз.
Өзара іс-қимыл шектеулері
Қоңыраулар, хабарламалар және жеке кездесулер Заңның 5-бабында белгіленген кезеңде ғана рұқсат етіледі — жұмыс күндері сіздің тұрғылықты жеріңіздің уақыты бойынша 8:00-ден 21:00-ге дейін.
Борыш агенттікте болғанда
Берешек агенттіктің жұмысында болған кезеңде кредитор өндіріп алу туралы сотқа жүгінуге, сыйақыны, комиссияларды және өзге де төлемдерді талап етуге, сондай-ақ тұрақсыздық айыбын (айыппұл, өсімпұл) есептеуге құқылы емес — Заңның 6-бабының 5-тармағы.
Сіздің міндеттеріңіз
ҚР «Коллекторлық қызмет туралы» Заңының 16-бабының 2-тармағы
- 01
Тұрғылықты жерінің, тегі, аты, әкесінің атының, жеке басын куәландыратын құжаттардың, байланыс ақпаратының және байланыс тәсілінің өзгергені туралы агенттікке хабарлау.
- 02
Агенттіктің сұрауы бойынша табыстары мен шығыстарының деңгейі, тұрғылықты жері және өндіріп алу қолданылуы мүмкін мүлкі туралы дұрыс ақпаратты ашу.
- 03
Берешекті реттеу бойынша агенттікпен Заңның 5-бабының 1-тармағында көзделген тәсілдермен өзара іс-қимыл жасау.
- 04
Кредитор ұсынған өтеу шарттарын 15 жұмыс күні ішінде қарап, агенттікке немесе кредиторға өзіңізге қолайлы шарттарды хабарлау.
Шағыммен қайда жүгінуге болады
- АгенттіккеБесағаш ауылы, Райымбек Батыр көшесі, 165 ғимарат
- Уәкілетті органҚазақстан Республикасының Қаржы нарығын реттеу және дамыту агенттігі (ҚНРДА)